ოქტომბერი ძუძუს კიბოს საერთაშორისო თვეა და ამ თვეს მსოფლიო სხვადასხვა აქტივობებით ეხმაურება.
დღეს, 6 ოქტომბერს, ევროპა დონა საქართველოს ეგიდით ვარდისფერი მსვლელობა მოეწყო, რომლის ფარგლებშიც ცოცხალი ჯაჭვი შეიკრა თავისუფლების მოედანზე, წმინდა გიორგის მონუმენტის გარშემო.
წამოწყებაში პაციენტები, პაციენტთა ორგანიზაციები და მხარდამჭერები ჩაერთნენ და მის მიზანს ძუძუს კიბოს შესახებ ცნობიერების ამაღლება, მკურნალობასა და დიაგნოსტიკაზე ხელმისაწვდომობის გაზრდა წარმოადგენს.
